John Ramsay banduna Syngenta

Il schef da finanzas da la Syngenta, John Ramsay, banduna il concern d'agrochemia Syngenta, curt suenter che lezza ha elegì in auter sco schef da concern.

john ramsay

Legenda da maletgs: Il schef da finanzas John Ramsay banduna la Syngenta, suenter ch'el n'è betg vegnì elegì schef dal concern. Keystone

John Ramsay veglia surpigliar autras sfidas, scriva Syngenta en ina communicaziun. 32 onns ha Ramsay lavurà per la Syngenta e sias firmas antecessuras; dapi il 2007 sco schef da finanzas e dapi il 2015 fin il zercladur da quest onn supplementarmain sco schef dal concern ad interim.

Ramsay banduna Syngenta suenter che Fyrwald remplazza Mack

Sin l'october 2015 era l'anteriur schef John Mack sa retratg. Quai curt suenter che la collavuraziun cun il concern american Monsanto avevan fatg naufragi. Lura aveva Ramsay surpiglià il timun ed annunzià ch'el stettia a disposiziun sco successur da Mack. Il zercladur passà è il Cussegl d'administraziun da la Syngenta però sa decidì da clamar Erik Fyrwald sco nov schef da concern.

Ramsay banduna Syngenta amez il process da cumpra entras il concern chinais ChemChina. Nov schef da finanzas da Syngenta daventa Mark Patrick.

RR novitads 10:00