La dumonda dal Europa vegn a fatschentar l’onn da presidi da Johann Schneider-Ammann. El speri da pudair far enavant en questa dumonda. Ina soluziun svelta na dettia quai betg, ha Schneider-Ammann ditg als schurnalists a Berna suenter sia elecziun. Il minister d’economia metta il dossier Europa ed ils contracts bilaterals cun l’Europa el center da sia politica sco president da la Confederaziun. Ma er la migraziun ed il ferm franc svizzer sajan impurtants puncts. La Svizra saja en ina situaziun excellenta e quella dettia da defender, ha ditg Schneider-Ammann.
RR novitads 14:00