Siglir tar il cuntegn

Svizra Jenics e Sinti vulan esser renconuschids sco ils Rumantschs

Ils Jenics ed ils Sinti vulan esser renconuschids en Svizra sco minoritads naziunalas. Il mument sajan els tolerà sut il titel da «viagiants».

Rulottas
Legenda: Sinti e Roma: La vita tradiziunala sco viagiants na vegn betg pli tgirada da tuts. Keystone

Il cuntegn da la petiziun da las duas etnias surdà oz al minister dal intern Alain Berset è cler. Las duas etnias vulan esser renconuschidas sco minoritads naziunalas da la Svizra, sumegliant als Rumantschs.

La petiziun è vegnida lantschada avant in onn e tenor ils iniziants han era passa 1’000 persunalitads suttascrit la petiziun. A las duas etnias tutgan en Svizra radund 35'000 persunas.

RR novitads 15:00