Siglir tar il cuntegn

Header

cuntegn

Svizra Jaun: Chattà cadaver da luf

A Jaun en il chantun Fribourg è vegnì chattà il venderdi sin in champ in cadaver dad in luf. Sco quai che l'uffizi per guaud, chatscha e pestga chantunal communitgescha sa tractia dad ina femella creschida.

Il cadaver è vegni portà en l’institut patologic da l’Universitad da Berna per vegnir secziunà. Pertge che l’animal è mort n’è anc betg cler. Las autoritads n’excludan dentant betg, ch’el saja vegnì mazzà. La procura publica ha instradà ina procedura.

A Berna duai l’animal er vegnir analisà geneticamain per identifitgar el. Sch’i sa tracta da la luffa F13 ch'è vegnida observada l'entschatta da l'onn en la regiun n'è uss anc betg cler.

En il chantun Friburg vivian tenor observaziuns radund trais lufs. L’on passà èn vegnids stgarpads 33 animals da niz da lufs. Quai sin alps nua ch’i na dat nagins chauns da protecziun.

RR novitads 15:00

Artitgels legids il pli savens