Siglir tar il cuntegn
cuntegn

Svizra Irac: Schurnalista svizra mora tar attatga

Tar in'attatga cun minas en la citad iracaisa Mossul è il glindesdi la schurnalista svizra Véronique Robert vegnida blessada. Ussa è ella morta en consequenza da las blessuras.

La schurnalista Véronique Robert è morta.
Legenda: La schurnalista Véronique Robert è morta. Keystone

Tar l'attatga è la schurnalista Véronique Robert da la Svizra vegnida blessada e lura morta pli tard en consequenza da las blessuras, quai rapporta in emettur da televisiun franzos.

Véronique Robert ha lavurà vid ina reportascha per «Envoyé Spécial» da l'emettur. Tar l'attatga èn era mort il schurnalist franzos Stephan Villeneuve ed il reporter curd Bachtijar Addad. In ulteriur schurnalist da la Frantscha è vegnì blessà.

La schurnalista è vegnida operada e la notg da gievgia sin venderdi transportada en in spital datier da Paris. Quai tenor infurmaziuns da France Télévision. La schurnalista da 54 onns ha era lavurà per Paris Match.

Condolaziuns

Didier Burkhalter, minister da l’exteriur, ha condolà a la famiglia en malencurada. El haja cun tristezza udì da la mort da Véronique Robert.

La lavur da reporters da guerra saja là spezialmain greva, dentant era curaschusa e necessaria, per che la publicitad vegnì en tals cas infurmada davart la realitad dal lieu.
Autur: Didier BurkhalterMinister da l’exteriur

RR novitads 15:00