Siglir tar il cuntegn

Header

Navigaziun

sguard en ina halla cun bleras maschinas, duas persunas èn vid computers
Legenda: Las interpresas svizras èn fitg activas en perscrutaziun e svilup. Keystone
cuntegn

Svizra Investì passa 15 milliardas fr. en la perscrutaziun

L'onn 2015 han las interpresas svizras investì 15,7 milliardas francs en perscrutaziun e svilup. Tenor l'Uffizi federal da statistica è quai 10% dapli ch'il 2012. En il cumparegl internaziunal è la Svizra in dals pajais ils pli activs en il sectur da perscrutaziun e svilup.

Il 2015 han las interpresas svizras investi en media mintga di 43 milliuns francs. Anc mai è vegnì dà ora tant per la perscrutaziun ed il svilup.

Farma è actur principal

Il pli bler en quest champ investescha l'industria farmazeutica. Ella fa passa in terz (35%) da las investiziuns, numnadamain 5,5 milliardas francs. Sin plazza dus è la branscha «perscrutaziun e svilup» (16%) e sin posiziun trais la branscha «maschinas» (10%).

En la sparta «metal» ha l'uffizi federal da statistica registrà in minus da 30%.

Il 2015 eran en las interpresas 57'000 persunas occupadas cun perscrutaziun e svilup.

RR novitads 11:00