Pertutgads èn cunzunt ils chantuns Argovia, Soloturn, Berna e Basilea.
Durant duas uras è stà bloccà l'access e la sortida da l'autostrada A1 a Lenzburg. Er sin l'autostrada A3 è in vial stà serrà, e la staziun da Frick, sin la lingia da viafier tranter Basilea e Brugg, han ins pudì duvrar durant mes'ura mo limitadamain. I ha dà retards.
Tranter ils chantuns Berna e Neuchâtel èn pliras colliaziuns da trens interruttas. En differentas vischnancas han ils pumpiers stuì pumpar aua ord ils tschalers.
Er en il chantun Soloturn èn ils pumpiers stads en acziun pervi da ferma plievgia. Pertutgada spezialmain è la regiun Niederamt. L'aua ha inundà tschalers ed era singulas vias. A Genevra è ina planta crudada sin in tram.
RR novitads 17:00 / 06:00