Dapi las 16.30 curseschan intgins trens puspè sin la lingia pertutgada. In binari è puspè avert. Tuttina crodan anc blers trens ora. Il Intercity tranter Berna e Turitg cursescha, el tegn dentant excepziunalmain ad Olten. Ed il tren dal eroport da Turitg a Basilea va sur Regensdorf e Baden.
Stgarpà giu lingia da contact
Cura ch'il tren è entrà en la staziun da Schlieren, ha el donnegià uschè fitg la lingia da contact che quella è crudada giu sin in auter tren. Sinaquai han ils responsabels da la SBB stuì serrar l'entira staziun, ed evacuar tut ils trens en il conturn. Ils viagiaturs na sajan betg stads periclitads.
La raschun per l'accident n'è il mument betg enconuschenta. E tenor las Viafiers federalas èn las reparaturas difficilas. Perquai n'è il termin cura ch'il traffic da tren po puspè cursar tenor urari betg enconuschent.
RR novitads 16:00