La crisa da corona divida la populaziun, sch'i va per las mesiras encunter la derasaziun dal coronavirus – ed era sch'i va per il vaccinar. Dentant era tranter champagna e citad sa mussa puspè in foss pli e pli ferm. Quai è da vesair era tar las ultimas votaziuns – saja quai tar las iniziativas agraras, tar la lescha da CO² u cun la votaziun davart la lescha da chatscha. Da constatar è era che la politica polarisescha pli fitg.
Co turnar ad in dialog fritgaivel ed unir pli ferm la Svizra? Precis quai avain tematisà en il discurs cun il president da la Confederaziun, cusseglier federal Guy Parmelin.