Siglir tar il cuntegn

Header

cuntegn

Interpresas Nagina unda da concurs - almain il mument

Dal mars fin il fanadur hai dà 21% pli paucs concurs d'interpresas ch'avant in onn. Las mesiras da transiziun paran d'avair effect, communitgescha il KOF, il post da perscrutaziun da la conjunctura. I na dettia dentant nagin motiv per ina fin d'alarm cunquai ch'intgins concurs sajan sulettamain spustads. Il dumber da concurs da firmas mussa dentant er grondas differenzas regiunalas. Entant ch'i ha dà en il Tessin 50% damain concurs, hai dà en la Svizra centrala sulet 10% damain.

Surprendentamain pli paucs concurs en la gastronomia

Sulet il chantun Vallais haja nudà il zercladur e fanadur in dumber da concurs sur la media svizra. Vitiers pari che la crisa da corona chaschuna dapli concurs en il commerzi en detagl e commerzi grond ch'en l'ulteriura economia svizra. Be pauc pertutgà da concurs saja la gastronomia e l'industria da divertiment e temp liber. Quai saja ina surpraisa.

RTR novitads 10:00

Artitgels legids il pli savens