Siglir tar il cuntegn
cuntegn

Svizra Interpresas auzan temp da lavur pervia da ferm franc svizzer

Gist duas interpresas svizras han augmentà il temp da lavur per ils collavuraturs, quai èn la Stadler Rail sco er V-Zug.

Halla alva cun l’inscripziun blaua Stadler.
Legenda: Trais uras dapli ad emna per ils collavuraturs. Reuters

Ils emploiads svizzers da Stadler Rail ston lavurar enfin la fin da l'onn 45 uras ad emna enstagl da 42 sco enfin qua. Quai per far frunt al ferm franc svizzer. Il constructur da vehichels sin binaris è sa cunvegnì cun la cumissiun da persunal ed il sindicat Unia sin questa mesira. Il post da medias da Stadler Rail ha confermà in artitgel da la gasetta Blick.

Er persunal da V-Zug sto lavurar pli ditg

Tar V-Zug ston tut ils emploiads lavurar a partir dal prim da mars 44 enstagl da 40 uras per emna e la direcziun desista da 10% da la paja fixa. Quai ha ina pledadra da l'interpresa ditg, suenter che la Neue Zuger Zeitung ha rapportà surlonder.

RR novitads 18:00