Siglir tar il cuntegn

Svizra Integraziun da fugitivs: Dapli daners per chantuns

Fugitivs e persunas recepidas provisoricamain duajan vegnir integradas pli svelt en il martgà da lavur e cunquai duai la dependenza da l'agid social vegnir reducida. La Confederaziun ed ils chantuns han decis mesiras correspundentas per promover l'integraziun.

Simonetta Somaruga
Legenda: Simonetta Somaruga infurmescha davart l'agenda d'infurmaziun. SRF

Fin uss paja la Confederaziun a mintga fugitiv u persuna admessa provisoricamain ina pauschala da 6'000 francs. Da nov munta questa summa 18'000 francs, quai ha decis il Cussegl federal. Quest augment muntia expensas supplementaras da 132 milliuns francs. A lunga vista duain tant ils chantuns sco era la Confederaziun pudair quintar cun custs pli bass, perquai che las persunas pertutgadas vegnan integradas pli svelt en il mund da lavur.

Finamiras da l'agenda d'integraziun

Il process d'integrar pli svelt fugitivs e persunas admessas provisoricamain ha las finamiras:

  • enconuschientschas da basa d'ina lingua naziunala entaifer trais onns
  • la mesadad da las persunas pertutgadas èn integradas en il mund da lavur entaifer set onns

Agenda d'integraziun

Dapi il mars 2017 elavureschan il Departament federal da giustia e polizia sco er il Departament federal d'economia, furmaziun e retschertga ensemen cun las conferenzas da las regenzas chantunalas e la Conferenza dals directurs socials e la Conferenza dals Conferenza svizra da las directuras e dals directurs chantunals da l'educaziun publica l'agenda d'integraziun.

La primavaira 2019 duai questa agenda ir en vigur.

RR novitads 14:00