Instituziuns socialas cunter radicalisaziun

A Berna èn ils ministers da giustia dals pajais da lingua tudestga s'entupads per in barat d'opiniuns. La cussegliera federala Simonetta Sommaruga e ses collegas da la Germania, Austria, Liechtenstein e Luxemburg han discurrì surtut da l'extremisssem violent e dal terrorissem.

Cussegliera federala Simonetta Sommaruga suenter l'inscunter cun ses collegas da la Germania, Austria, Lichtenstein e Luxemburg.

Legenda da maletgs: Cussegliera federala Simonetta Sommaruga suenter l'inscunter cun ses collegas da la Germania, Austria, Lichtenstein e Luxemburg. Keystone

Sco Sommaruga ha ditg, haja la Rait naziunala da segirezza Svizra survegnì quest'emna l'incumbensa d'elavurar in plan d'acziun naziunal cunter la radicalisaziun e l'extremissem.

«  Prevenziun è il meglier cunter radicalisaziun ed extremissem violent. »

Simonetta Sommaruga
cussegliera federala

Tut ils acturs pertutgads duain esser da la partida tar quest plan d'acziun, uschia Sommaruga. Las polizias na duain betg esser activas sco sulettas, mabain er instituziuns sco l'agid social, scolas u er canortas d'uffants pitschens. Finamira dal plan d'acziun saja da dumagnar ensemen tut quels differents acturs, rimnar las experientschas e sensibilisar.

RR novitads 14:00