Tenor ils iniziants sajan tals experiments delicts criminals nua che animals vegnian maltractads. Per ils animals saja quai ina tortura ed en la scienza sajan tals experiments dispitaivels. Dasper il scumond d’experiments vul l’iniziativa er in scumonda dad importar ed exportar products ch'èn vegnids fatgs cun agid d’experiments cun animals. Empè dad animals duain tenor l’iniziativa vegnir duvrads «dummys» che sa basan sin sistems da computer.
Dal 2016 haja dà radund 630'000 experiments cun animals en svizra – dus terzs dals animals eran mieurs. Tenor l’uffizi federal per la sanadad dad animals sajan tals experiments mo permiss sch'i na dat nagin autra opziun.
Ils iniziants han temp enfin ils trais d'avrigl da ramassar las suttascripziuns.
RR novitads 17:00