Iniziativa per in'economia verda – pingpong d'arguments

L'iniziativa per in'economia verda pretenda che la Confederaziun, ils chantuns e las vischnancas introduceschian mesiras per che l'economia nizzegia las resursas a moda e maniera effizienta e schanegia l'ambient.

Laschar ir audio

2:18 min, Actualitad dals 07.09.2016

Enfin l'onn 2050 duai la Svizra reducir ses consum da resursas uschè fitg ch'ella na surpassa betg pli la capacitad natirala dal mund.

Oz duvrain nus passa trais giadas tantas resursas. Perquai duai vegnir francada en la Constituziun ina 'passiva ecologica' per la Svizra. La Confederaziun stuess, vegniss l'iniziativa acceptada, definir ideas e mesiras per realisar questa reducziun da resursas.

Anna Serarda Campell ed Adrian Camartin dattan ina survista dals arguments pro e contra.

Arguments pro e contra l'iniziativa per in'economia verda

Pro

Contra

La tecnologia fa gronds svilups e permetta in'economia pli ecologica.


La reducziun fin il 2050 para betg realistica.

Cun metter pli fitg sin l'economia verda vegnan las tecnologias dal futur era promovidas pli fitg. Quai è bun per ina economia dal futur.



Dapli regulaziuns impedeschan il martgà liber. Quai è nausch per l'economia.

Squitsch cun termins fix stimulescha era l'economia.


Mesiras volutarias tanschan.

Ils custs n'èn anc betg conuschents. Els dependan da las mesiras concretas dal Cussegl federal.



I vegn a dar dapli custs per l'economia. Sper il ferm franc svizzer anc in ulteriur burdi.