I na dat betg avunda ed a medem temp bunmartgadas abitaziuns. Tgi che tschertga in’abitaziun en citads grondas sco Genevra e Turitg enconuscha questa situaziun.
Sulet ils ultims 10 onns sajan ils tschains d'abitaziuns creschids per passa 30%, en centers d'aglomeraziun sco Genevra schizunt per 60%, uschia ils iniziants.
Pudair pajar in'abitaziun er cun pitschnas entradas
L’iniziativa da l’Associaziun da locataris svizra vul midar quai: Confederaziun e chantuns duain procurar per tschains pli gists. En mira han ils iniziants surtut la construcziun d'abitaziuns d'utilitad publica.
La finamira è da promover dapli abitaziuns bunmartgadas per chasadas cun entradas pitschnas e mesaunas.
L'iniziativa vegn tranter auter sustegnida da la PS e dals Verds. 105'273 suttascripziuns avevan ils iniziants inoltrà. Da quellas èn valaivlas 104'800.
RR novitads 15:00