Siglir tar il cuntegn
Inhalt

Svizra Iniziativa per dapli abitaziuns favuraivlas

La rimnada da suttascripziuns per l'iniziativa per dapli abitaziuns pajablas ha cumenzà. La finamira è da promover dapli abitaziuns bunmartgadas per chasadas cun entradas pitschnas e mesaunas.

In bloc d'abitaziuns.
Legenda: En bleras citads èn ils pretschs d'abitaziuns memia auts per chasadas cun entradas pitschnas e mesaunas. Keystone

Davos l'iniziativa stat l'Associaziun da locataris svizra. Entaifer las emprimas 3 uras hajan ins rimnà passa 3'500 suttascripziuns sin via ed en l'internet.

Confederaziun e chantuns duain s'engaschar

L'iniziativa pretenda da la Confederaziun e dals chantuns in pli ferm engaschi per abitaziuns pajablas. Malgrà che bleras persunas en centers ed aglomeraziuns svizras hajan gronds problems d’abitar, saja il Cussegl federal restà inactivs, scriva l’associaziun.

En l'entira Svizra duain 10% da las novas abitaziuns vegnir construidas da purtaders da chasas d'abitar d'utilitad publica. Perquai duain ils chantuns e vischnancas introducir in dretg da precumpra per terrens adattads.

RR novitads 14:00