Siglir tar il cuntegn

Header

Navigaziun

auto che passa in velocipedist
Legenda: Era raits da vias per velos per il traffic da velo da mintgadi e dal temp liber duain vegnir promovidas da la Confederaziun. Keystone
cuntegn

Svizra Iniziativa da velos ha las 100'000 suttascripziuns

Aifer mo mez onn è vegnì rimnà per l'iniziativa da velo las 100'000 suttascripziuns necessarias.

Sco quai che las associaziuns per il traffic plaun «Pro Velo», «Swiss Cycling» e «VCS» communitgeschan, vegnia l'iniziativa era sustegnida da las organisaziuns per l'ambient.

Betg mo peduns e viandants, era velocipedists dovrian vias

L'iniziativa «Per promover las vias per velos, peduns e viandants» vul rinforzar la promoziun dal velo en l'entira Svizra. Ils chantuns e las vischnancas duain construir e mantegnair infrastructuras attractivas e segiras. En la constituziun èn fin ussa sulettamain per promover vias per peduns e viandants (§ 88). Quest duai vegnir amplifitgà cun las vias da velos.

Confederaziun duai vegnir obliada da sustegnair chantuns e terzs

Ultra da quai duai la Confederaziun vegnir obliada da sustegnair mesiras dals chantuns, però era dad organisaziuns privatas, per promover e coordinar raits da vias da velos. Actualmain preveda la constituziun mo che la Confederaziun «po» promover tals projects.

Ils iniziants la vulan inoltrar il december tar la Chanzlia federala. Lezza ha da decider, sche l'iniziativa è reussida formal- ed uffizialmain.

RR novitads 12:00