Siglir tar il cuntegn

Header

cuntegn

Svizra Iniziativa da reparaziun definitivamain betg avant il pievel

Il termin da referendum tar la cuntraproposta saja scadì senza ch'i saja vegnì fatg diever d'el, ha communitgà la Chanzlia federala. Ils iniziants da l’iniziativa da reparaziun avevan tratg enavos l'iniziativa, sut la cundiziun che la lescha na vegnia betg cumbattida cun il referendum.

La lescha ch'il parlament ha decis il settember prevesa che la Confederaziun paja ina contribuziun da solidaritad a 12’000 fin 15’000 anteriurs uffants plazzads, ed ad autras unfrendas da mesiras repressivas. En tut stattan a disposiziun 300 milliuns francs.

Vinavant prevesa la lescha che las mesiras sfurzadas vegnan intercuridas a moda scientifica. Ed ils chantuns ston endrizzar per las unfrendas posts da contact e da cussegliaziun.

RR novitads 10:00

Artitgels legids il pli savens