Siglir tar il cuntegn

Header

video
Na ad iniziativa da la taglia da famiglia e reacziun da Stefan Engler
Or da Telesguard dals 08.03.2015.
laschar ir. Durada: 1 minuta 37 Secundas.
cuntegn

Svizra Iniziativa da la taglia da famiglia fa naufragi

L'iniziativa dal pievel «Sustegnair las famiglias! Nagina taglia sin supplements per uffants e sin supplements da scolaziun» fa naufragi pervi da la maioritad dals chantuns. A l’iniziativa da la PCD din 75,4% na e 24,6% gea.

Resultats dals districts grischuns pertutgant l'iniziativa da la taglia da famigla.
Legenda: 78,2% da las Grischunas e dals Grischuns din na a l'iniziativa da la taglia da famiglia. RTR

Resultat dal Grischun

Ils Grischuns han era ditg na a la taglia d’ina famiglia. 38’970 vuschs (78,2%) dal Grischun ha ditg na e 10’877 gea.

Ferm franc svizzer la culpa

In sentiment da malsegirtad en la populaziun haja manà al na a l’iniziativa da la taglia da famiglia. Cunzunt il ferm franc svizzer saja il motiv, quai tenor la Cussegliera naziunala da la PCD Lucrezia Meier-Schatz. Malgrà il naufragi sa mussa la Cusseglier naziunala cuntenta cun la mobilisaziun sur la basa ora da la PCD. «Nus avain survegnì dapli vuschs che quai che la fermezza actuala da la partida implementescha».

Tge che l’iniziativa ha previs

L'iniziativa dal pievel «Sustegnair las famiglias! Nagina taglia sin supplements per uffants e sin supplements da scolaziun» vul distgargiar supplementarmain las famiglias da la taglia.

Artitgels legids il pli savens