Siglir tar il cuntegn

Header

Navigaziun

Autos che passan il cunfin.
Legenda: L'Italia reagescha sin il gea dals Tessinais da preferir lavurants indigens sin il martgà da lavur. Keystone
cuntegn

Svizra Iniziativa da la PPS tessinaisa procura per chaus cotschens

Suenter il «Gea» dals votants tessinais da favurisar ils indigens sin livel chantunal suonda la reacziun da l'Italia. Senza la libra circulaziun da persunas sajan las relaziuns tranter la Svizra e l'Uniun europeica en privel. Quai ha ditg il minister da l'exteriur talian Paolo Gentiloni.

Il minister da l'exteriur talian ha però era concedì che la votaziun dal Tessin saja per il mument senza consequenzas praticas. Da la vart da la regiun da cunfin Lombardia datti però tuns pli giz. Il Tessin haja vuschà persuenter ch’i vegnia refusà a 10’000 da cunfinaris l’access al martgà da lavur, uschia il president da la Lombardia Roberto Maroni da la Lega Nord.

El ha annunzià da preparar cuntramesiras per defender ils dretgs dals lavurants. Il Tessin ha approvà l'iniziativa da la PPS davart la favurisaziun d’indigens cun 58% da las vuschs.

RR novitads 07:00