Siglir tar il cuntegn
cuntegn

Svizra Industria da textilias e vestgadira patescha

Il ferm franc flaivlenta l'industria supplementarmain.

Il sectur da textilias svizzer cumbatta cun il grev ambient dal martgà.
Legenda: Il sectur da textilias svizzer cumbatta cun il grev ambient dal martgà. Keystone

L'industria da textilias e vestgadira svizra na vegn betg ord la crisa. Sco quai che l'uniun tetgala da la branscha Swiss Textiles communitgescha, sajan vegnidas exportadas l'onn passà textilias per 1,1 milliardas francs. Quai è in minus da 10,9% cumpareglià cun l'onn avant.

Cunzunt ils dus cumpraders principals da textilias svizras han cumprà damain il 2015. Il martgà tudestg è rut en per 13,4% ed il martgà talian per 15,4%. Il sulet martgà da vendita positiv saja stà ils Stadis Unids.

Cun ina midada da trend n'èsi tenor il Peter Flückiger, il directur da Swiss Textiles betg da quintar a curta vista.

RR novitads 11:00