Las incumbensas èn s'augmentadas vers l'onn 2015 per 9,5% sco l'associaziun professiunala Swisssmem scriva. La svieuta saja dentant sa reducida per 1,8%. Er qua haja dentant dà ina vieuta en il davos quartal. Ils exports han plinavant cuntanschì il 2016 il nivel sco l'onn avant.
L'industria da maschinas, d'electro e da metal han suenter in grev onn 2016 puspè pudì sa stabilisar. In auter purtret mussa dentant ina retschertga da l'entschatta da l'onn, tar la situaziun da rendita d'interpresas. 23% da las interpresas han scrit cifras cotschnas. 34% ina marscha nunsuffizienta.
Per Swissmem èn las cifras inquietantas. Ellas mussian ch'il schoc dal franc na saja per bleras interpresas anc betg surmuntà.
Swissmem tema che anc dapli plazzas pudessan vegnir stritgadas. Ils davos dus onns sajan bunamain 13'000 plazzas vegnidas stritgadas. La fin da l'onn passà ha la branscha anc occupà radund 318'000 persunas.
RR novitads 11:00
