Siglir tar il cuntegn
cuntegn

Svizra Industria da maschinas sto stritgar plazzas

Il schoc dal franc custa plazzas da lavur en l'industria da maschinas. Dapi che la Banca naziunala ha abolì il curs minimal dad 1.20 francs, han las interpresas pitschnas e mesaunas da l'industria da maschinas, electronica e da metal stritgà radund 2'000 plazzas da lavur.

logo swissmem
Legenda: L'associaziun da branscha Swissmechanic ha fatg in'enquista davart l'influenza dal ferm franc. Keystone

Quai resulta dad in'enquista represchentativa da l'associaziun da branscha Swissmechanic. Las svieutas sajan cuntentaivlas per 40 % dals dumandads, problems dettia dentant cun las marschas che sa sbassian gia dapi intgins onns.

Bleras interpresas pitschnas e mesaunas emprovan d’evitar da stritgar ulteriuras plazzas cun mesiras, sco augmentar il temp da lavur emnil, lavur curta u dischlocaziun da secturs ed optimaziuns da producziun.

RR novitads 12:00