Il mardi cunter saira haja in tetg d'in bajetg en construcziun piglià fieu. Sinaquai sajan buttiglias da gas deponidas sin il tetg explodidas, e parts da las buttiglias sajan dadas giu sin via, ha infurmà la polizia.
Per stizzar il fieu en passa 100 pumpiers e policists stads al lieu. La raschun dal fieu n'è anc betg enconuschenta.
Il traffic da viafier n'è betg stà disturbà pervi dal fieu. Percunter ha la polizia stuì serrar pliras vias.
RR novitads 20:00