Siglir tar il cuntegn
cuntegn

Svizra Inauguraziun biblioteca scol’auta «Tista Murk»

Entaifer 2 onns ha la Scol’auta turitgaisa per scienzas applitgadas (ZHAW) fabritgà il nov edifizi da biblioteca.

Purtret sin il scrivent e schurnalist Tista Murk.
Legenda: Il scrivent, schurnalist ed anteriur directur da la Biblioteca populara svizra Tista Murk è naschì en Val Müstair. MAD

Sin l’anteriur areal da Sulzer han ins transfurmà ina halla da montascha cun crana en ina biblioteca moderna. Cun 6’000 meters quadrats, è questa biblioteca la pli gronda biblioteca d’ina scol’auta en Svizra.

Lavur da pionier

Suenter che Tista Murk ha fatg lavur da pionier tar Radiotelevisiun Svizra Rumantscha, è el daventa directur da la Biblioteca populara svizra (1969-1980). Là ha el midà ed meglierà fermamain il sistem svizzer da bibliotecas. Uschia ha el introducì l’agid d’entschatta per bibliotecas. Cun quai midament hai dà bler dapli, era pitschnas, bibliotecas.

Pervi da ses grond engaschament sco directur da la Biblioteca populara svizra han ins ussa dà num a la nova biblioteca «Tista Murk».