Siglir tar il cuntegn

Header

cuntegn

Svizra Ina va anc - las bierarias grischunas

Ils 29 d’avrigl è il di da la biera Svizra. En l’entira Svizra vegn oz fatg viva sin la biera, la bavronda cun las ingredienzas tradiziunalas: Aua, malt e virtit.

En l’entira Svizra datti actualmain pliras tschients bierarias. Enconuschentas sco Calanda u Feldschlösschen, ma era pli pitschnas.

audio
Mezdi: Il di da la biera svizra
ord Actualitad dals 29.04.2016.
laschar ir. Durada: 3 minutas 10 Secundas.

Natiralmain è inqual bieraria era da chasa en il Grischun. La pli gronda è Calanda, fundada il 1780. Ina marca ch’è enconuschenta en l’entira Svizra. Ma la biera Grischuna è bler dapli che mo Calanda. Ils davos onns hai dà in vair boom da bierarias (guarda grafica).

Adina dapli bierarias, ma...

Adina main populara…

Avrir la box Serrar la box

La popularitad da la biera è sa diminuida ils ultims onns.

Consum per chau ed onn en Svizra:

  • 1990: 71 liters
  • 2010: 57,3 liters
  • 2015: 55,3 liters

Il consum da biera en Svizra sa diminuescha. Cumpareglià cun avant 25 onns vegni baivi considerablamain pli pauc biera.

Tuttina èn las cifras anc adina impressiunontas. Las cifras da l’onn 2015:

  • 3,44 milliuns hectoliters biera han las bierarias Svizras producì
  • La populaziun Svizra ha baivi 4,62 milliuns hectoliters biera

Istorgia da la biera

Tablas da scrittira mussan: Gia avant buns 6'000 onns vegniva fatg biera. Ils Sumers, in pievel da l’Asia, èn stads ils emprims che han empruvà da producir questa bavronda. I ha num, che da quai temp saja il far biera stà ina chaussa da la dunna, sco tut quai ch’aveva da far cun cuschinar.

La biera è vegnida fatga da dunnas fin il temp medieval. Lura han ils umens surpiglià la batgetta da la biera. Paders da claustras en l’Europa centrala tschertgavan ina bavronda nutritiva ch’ins pudeva baiver durant il temp da curaisma. Uschia han ils paders cumenzà a far biera.

Bleras persunas èn vid far viva cun biera
Legenda: La biera - per blers l'ideala bavronda da fiasta. Keystone

5 fatgs davart la biera

  • La Tschechia è campiunessa mundiala en baiver biera. Tschecas e Tschecs baivan passa 130 liters biera per onn per persuna (Svizra: bun 55 liters).
  • Il pli enconuschent citat da la biera: «La biera è il mussament che Dieu ha gugent nus e ch'el veglia che nus sajan cuntents», da Benjamin Franklin.
  • La pli chara biera deriva da la Belgia e ha num «Vielle Bon Secours». Questa biera vegn vendida en la bar «Dem Bierdrome» a Londra. Là custa ina buttiglia da 12 liters 1'000 euros.
  • La pli ferma biera sa numna «Armageddon» e deriva da la Scozia. Ella cuntegn 65% alcohol e vegn producida en ina pitschna bieraria.
  • Biera gida da sa durmentar. Il motiv è il virtit (Hopfen).

Artitgels legids il pli savens