Ina mustga che po chaschunar problems d'elefant

La drosofila suzukii (Kirschessfliege) haja fatg donns pli gronds vi da tschareschers e pumaraida protegida memia pauc e per l'emprima giada vi dad apricosas.

Ina mustga drosofila suzukii sin ina iva.

Legenda da maletgs: La drosofila suzukii chaschuna per part per gronds donns. Keystone

Il center da cumpetenza federal per la perscrutaziun agricula, Agroscope, quinta ch'ils donns da la drosofila per las vignas svizras vegnan a restar tuttina sco l'onn passà. Ils tschareschers e la pumaraida han dentant patì pli fitg quest onn. L'emprima giada èn era apricosas pertutgadas dals donns da la drosofila.

Las vignas na pateschian betg uschè fitg

En las vignas gidan dentant mesiras preliminaras, in'observaziun intensiva e raits. Products per proteger las plantas vegnan mo duvrads cura ch'ils donns surpassan ina limita fixada d'Agroscope. Ensemen cun posts spezialisads chantunals controlleschan els regularmain mintg'emna il deposit d'ovs da la mustga sin dapli che 10'000 ivas. Actualmain giaschia l'infestiun tar 0,6% en las vignas svizras. Sur tut pertutgadas sajan sorts sensiblas sco 'Dornfelder', 'Dunkelfelder' e 'Cabernet Dorsa'.

RR novitads 11:00