Siglir tar il cuntegn
Inhalt

Svizra Ina grippa uschè lunga sco dapi 30 onns betg pli

L'unda da grippa da quest onn vegn a cuzzar 13 fin 14 emnas ed è uschia pli lunga che usità.

Uffant en letg cun in termometer.
Legenda: Cunzunt er persunas giuvnas èn pertutgadas da la grippa. Keystone

La grippa actuala saja la pli lunga dapi 30 onns, quai ha ditg Daniel Koch da l'Uffizi federal per la sanadad envers SRF. Normalmain cuzzia l'unda da grippa insaquantas emnas damain.

Virus B pli ferm che usità

I saja extraordinari ch'il virus B, actualmain activ, effectueschia uschè bleras malsognas. Quel na chaschuneschia per regla betg ina uschè ferma unda da grippa. Tenor l'Uffizi federal da sanadad èsi plinavant extraordinari che surtut persunas giuvnas sajan pertutgadas. Che la grippa vegnia anc ina giada pli ferma quai na crai Daniel Koch dentant betg.

RR novitads 09:00