Siglir tar il cuntegn
Inhalt

Svizra Ina fin tar l’affera da selfies bluts da Geri Müller

L’affera dals selfies bluts dal politicher Geri Müller para da vegnir tar ina fin: Sia anteriura partenaria da chat ha retratg il recurs cunter il mandat penal.

La fotgrafia enconuschenta cun geri Müller a cheu bass amez ils schurnalists.
Legenda: Geri Müller e l'affera dals selfies bluts - qua tar sia conferenza da medias, nua ch'el ha tut posiziun suenter che gasettas da dumengia avevan fatg public l'istorgia l'avust 2014. Keystone

Uschia è la dunna sentenziada legalmain e quai pervi d'ingiuria, disfamaziun, sforz empruvà, falsificaziun da documents e registraziun nun-autorisada da discurs. Ses chastì è in chastì da daners cundiziunà da 150 schurnadas à 60 francs. Pajar sto ella in chastì da 1'800 francs e surpigliar ils custs d'advocat da 24'000 francs.

La dunna era ida avant 2 onns en la publicitad cun maletgs che Geri Müller aveva fatg en ses biro. L’affera enturn ils uschenumnads selfies bluts dal president da la citad da Baden ed anteriur cusseglier naziunal dals Verds aveva bittà pulitamain undas en la stad 2014.

RR novitads 14:00