Siglir tar il cuntegn
Inhalt

Svizra Ina da las pli grondas collecziuns d'Alois Carigiet vegn vendida

Sco quai che l'agentura da novitads svizra scriva vendia ina gallaria en il chantun da Lucerna 31 maletgs da l'artist en la valeta da bun 400'000 francs.

In dals maletgs d'Alois Carigiet ch'èn exponids e venals en la gallaria en il chantun da Lucerna.
Legenda: In dals maletgs d'Alois Carigiet ch'èn exponids e venals en la gallaria en il chantun da Lucerna. Keystone

Tar las ovras ch'èn venalas sa tracti tranter auter da maletgs d'ieli e dissegns cun rispli e tinta, per part era cun notizias dad Alois Carigiet. Venals èn p. ex. il 'Pur cun chaval e stalla', il 'Cletg da chatscha' ni er il frontispizi dal cudesch 'Maurus e Madleina'.

Ils maletgs derivan d'in pèr grischun ch'era ami dad Alois Carigiet. Els hajan passa 80 onns e veglian ch'ils maletgs restian era vinavon en buns mauns. Perquai hajan els decidì da vender els, uschia la gallarista Susanne Perren.

RR novitads 07:30