Siglir tar il cuntegn

Header

cuntegn

Svizra Ina canorta rumantscha per Turitg

Gia il principi da l'onn proxim duai ina canorta rumantscha a Turitg avrir sias portas. Quai almain sch'i va tenor ils plans da 5 babs rumantschs che vivan cun lur famiglias a Turitg.

Ils babs han mess sin palpiri trais variantas. Ina per ina canorta rumantscha, ina per integrar ina gruppa rumantscha en ina canorta gia existenta ed ina per ina termagliera. Per la varianta dad ina canorta rumantscha duvrassi radund 30 uffants, per ina gruppa rumantscha en ina canorta existenta in zichel pli paucs.

audio
Mezdi: La canorta rumantscha a Turitg
ord Novitads dals 20.07.2015.
laschar ir. Durada: 3 minutas 3 Secundas.

Entant hajan els ensemen 10 uffants, ha declerà Remo Pfister, oriund da Breil. Sur medias socialas, sur uniuns rumantschas a Turitg e sur propaganda a bucca emprovan els ussa da rabitschar ensemen anc dapli uffants.

Urari ambizius

Gia il principi da l'onn 2016 duai ina varianta vegnir realisada ed averta. Quai saja bain in plan ambizius, di Remo Pfister. Els hajan dentant sa mess sapientivamain sut squitsch – era or da motivs egoistics. Ils 7 uffants dals 5 babs avessan numnadamain ussa il basegn dad ina canorta e betg pir en intgins onns.

Artitgels legids il pli savens