Siglir tar il cuntegn

Header

cuntegn

Svizra In zic damain dischoccupads

Il mars ha il Grischun dumbrà 1908 persunas senza lavur, quai è ina quota da 1,7%. Cumapreglià cun il favrer è il dumber uschia sa reducì per 138 persunas. Ils pli blers dischoccupads dumbran las branschas da construcziun e la gastronomia.

Il mars han 10 interpresas grischunas cun 56 collavuraturs introducì lavur curta. Il mais avant eran quai anc 9 interpresas.

En Svizra è la quota da dischoccupaziun sa reducida levet il mars, quai per 0,1% sin 3,6%. Cumpareglià cun il mars d'avant in onn è la quota dentant s'augmentada per 0,2%, communitgescha il secretariat da stadi per l'economia SECO. Il mars eran tut en tut 155'324 persunas registradas tar il Center per intermediaziun da lavur.

Damain giuvenils dischoccupads

Sa reducida surproporziunalmain è la quota da dischoccupaziun tar ils giuvens tranter 15 e 24 onns, quai per 0,2% sin 3,4%. En dumbers absoluts munta quai ina reducziun da 1584 persunas.

RR novitads 08:30

Artitgels legids il pli savens