Siglir tar il cuntegn

Header

cuntegn

Svizra In test da HIV per a chasa – forsa gia davent da la stad

La cumissiun federala per sanadad cusseglia da dar liber la via als tests da HIV per a chasa.

La decisiun da la cumissiun federala per sanadad da la cumissiun saja stada clera. Ella recumonda «entusiasticamain» da dar liber la via als tests da HIV per a chasa, ha il president da la cumissiun Marcel Tanner ditg.

La cumissiun speria da pudair cuntanscher cun ils tests da chasa «segments positivs zuppads». Da quai pudessi schebain il pertutga sco er la publicitad profitar.

Swissmedic decida

Uss prenda l'uffizi federal da sanadad (BAG) sut la marella il dossier, ha la pledadra Karin Holenstein ditg. Ina cussegliaziun dal BAG duai lura dar en duas enfin trais emnas.

Suenter la cussegliaziun dal BAG vegn l'institut Swissmedic lura a decider sch'i dat effectiv tals tests per a chasa u betg. Ils tests pussibilitassan ina diagnosa entaifer ina mes'ura. Tenor Holenstein pudessi esser bain pussaivel, ch'ins possia gia purtar sin la fiera ils tests da stad.

Agid per pertutgads

A la cumissiun èsi impurtant ch'ins segirescha er il sustegn per persunas pertutgadas, en cas ch'ins introducescha il test da chasa. Las persunas duain betg esser sulettas cun il resultat.

Quai vul la cumissiun cuntanscher cun metter tiers cedels cun cleras instrucziuns ed infurmaziuns davart che ch'i vegn purschì per gidar a pertutgads.

Pro e contra

Avrir la box Serrar la box
  • Per ils tests che furneschan ina diagnosa entaifer ina mes'ura vegn argumentà ch'ins possia scuvrir infecziuns che vegnissan uschiglio betg scuvridas.
  • Cunter ils tests vegn argumentà che in tal test duai vegnir fatg da persunas dal fatg e betg da privats.

RR novitads 16:00

Artitgels legids il pli savens