Siglir tar il cuntegn
cuntegn

Svizra In terz dapli gudogn per Vontobel

La banca Vontobel ha pudì augmentar ses gudogn marcantamain. Il gudogn è creschì per in terz sin 97,8 milliuns francs en l'emprima mesadad da quest onn cumpareglià cun l'onn passà.

Logo da la banca Vontobel.
Legenda: En il spazi asiatic-pacific vul Vontobel dublegiar il volumen da fatschenta fin l'onn 2020. Keystone

La banca privata saja creschida or da l'atgna forza, ha ditg il schef da Vontobel Zeno Staub. Plinavant saja quest bun resultat cunzunt d'attribuir a l'afflussiun da novs daners en autezza da 6,4 milliardas francs. Tut ensemen administrescha la banca passa 142 milliardas francs facultad da clients.

Prognosas modestas per il secund semester

Davart las perspectivas per il futur s’exprima Vontobel a moda reservada. Malgrà che la banca haja gì in bun start en l’emprima mesadad dal 2015 vegnian ils mais fanadur, avust e december tradiziunalmain ad esser pli flaivels.

RR novitads 12:00