Ch'il dumber da dumondas d’asil saja sa reducì a tala moda è cunzunt d'attribuir al fatg che l’uschenumnada la ruta dal Balcan è vegnida serrada il mars passà. Quai scriva l’uffizi.
Damain il december
Il december passà han 1’766 persunas tschentà ina dumonda d’asil en Svizra. Quai è in minus da 64% cumpareglià cun la medema perioda da l’onn avant. Cumpareglià cun il november 2016 èsi in minus da 197 dumondas.
Eritrea, Siria ed Afghanistan
Ils pli blers requirents d'asil derivan anc adina da l'Eritrea, numnadamain 5’178. Quai è dentant mo la mesadad dal 2015. Ulteriurs impurtants pajais d'origin èn l'Afghanistan, la Siria, la Somalia, la Sri Lanka e l'Irac. En l'entir'Europa han ins registrà radund 1,3 milliuns dumondas d'asil.
Per l'onn current quinta l'uffizi cun radund 24'500 novas dumondas d'asil en Svizra.
RR novitads 15:00