Siglir tar il cuntegn

Header

cuntegn

Svizra In quart damain dumondas d'asil il matg

Cumpareglià cun l'onn passà han in quart damain persunas dumandà il matg per asil en Svizra. Quai ha ditg la cussegliera federala Simonetta Sommaruga en la 'Samstagsrundschau' da radio SRF.

Tut en tut haja quai dà 1451 dumondas d'asil il matg, uschia la cussegliera federala. Il matg 2016 eran quai anc 1885 dumondas d'asil. En vista al dumber da record da fugitivs e migrants en l'Italia na vul Sommaruga però betg far nagina prognosa, quantas persunas che pudessan far ina dumonda d'asil en Svizra.

La situaziun possia tenor Simonetta Sommaruga senz'auter puspè daventar precara. Glindesdi s'inscuntria ella cun il minister da l'intern talian per discussiunar la situaziun.

RR novitads 14:00

Artitgels legids il pli savens