Siglir tar il cuntegn
Inhalt

Svizra In pur en il Cussegl federal: plaschair tar ils agriculturs

Cun l’elecziun da Guy Parmelin sesa per la terza giada en l’istorgia da la Svizra in pur en il Cussegl federal. Quai sveglia speranzas tranter puras ed agriculturs.

Guy Parmelin.
Legenda: Represchentantas e represchentants da l'agricultura mettan speranzas en il cusseglier federal nov elegì Guy Parmelin. Keystone

L'elecziun da Guy Parmelin sco nov cusseglier federal sveglia speranzas tar ils purs. Markus Ritter, il president da l'Uniun purila svizra, è persvas che las decisiuns dal Cussegl federal en connex cun l'agricultura pon vegnir sustegnidas pli fitg cun Parmelin en il gremi.

Parmelin: «Jau resta pur»

Speranzas concretas ha Christine Bühler, la president da las puras svizras. Ella po s'imaginar che Parmelin portia avantatgs, en spezial en connex cun dumondas dal preventiv. Parmelin sez ha ditg, ch'el saja e restia pur. El sa tegnia dentant er vid il principi da collegialitad tar decisiuns pertutgant l'agricultura.

Il nov elegì Cussegl federal ed pur da professiun Guy Parmelin posseda ensemen cun ses frar in bain puril en il Vad. Ils dus frars fan cultivaziun dad ers e viticultura. Pervi da ses engaschament politic era Parmelin gia fin qua be 1 di per emna en il manaschi.

RR novitads 06:00