Siglir tar il cuntegn
Inhalt

Svizra In onn suenter l'iniziativa da l'immigraziun da massa

Glindesdi èsi in onn dapi ch'ina maioritad da las Svizras e dals Svizzers ha ditg gea a l'iniziativa cunter l'immigraziun da massa. Igl è stà in grond triumf per la PPS e ses president Toni Brunner.

placat da la PPS encunter l'immigraziun da massa
Legenda: Placat PPS immigraziun da massa Bloccar l'immigraziun da massa Keystone

L’iniziativa da l’immigraziun da massa muventia anc oz la glieud, manegia il politolog Thomas Milic. Quai vegni er ad esser in tema principal dal cumbat electoral. Il Cussegl federal saja en ina situaziun difficila.
Sch’il Cussegl federal na chattia betg ina schliaziun fin la primavaira 2017 per realisar l’iniziativa, alura vegnia quella introducida per decret. Quai vul l'uniun RASA, l'uniun che vul sortir da la via tschorva, impedir cun in “plan B”. Ins stoppia uss vegnir ensemen cun las 100’000 suttascripziuns tant pli spert, ha ditg Leo Caprez da la suprastanza da RASA.