Il resultat en il Grischun è plinavant in fitg cler segn ed era in’obligaziun per mantegnair ina ferma plazza da medias en noss chantun triling.
Igl è in Na envers ina gruppa radicala liberala. Ina gruppa ch'ha ina posiziun radicala envers il stadi – numnadamain ina posiziun encunter mintga furma d’intervenziun dal stadi. Ina posiziun encunter la solidaritad e la cuminanza.
Igl è dentant era in Na ch'oblighescha. Las discussiuns en il cumbat da votaziun han mussà che la fidanza da la populaziun en medias independentas n’è betg pli evidenta.
Las discussiuns han era mussà, che la solidaritad cun minoritads è gronda e persistenta. Dentant ha era quella cunfins.
Tut questas discussiuns ston ussa purtar fritg: I dovra in dialog tranter la populaziun e las medias – e quai en furma equivalenta. Ed i vala da gudagnar enavos la fidanza dal pievel en medias independentas e da mussar si la plivalur da quellas.
Pertge? Perquai ch’i dovra il schurnalissem independent gist ozendi pli che mai.
RR novitads 17:00