Siglir tar il cuntegn
Inhalt

Svizra In minus da 3,75 per la bursa svizra

La tema d'ina ferma reducziun da la conjunctura en la China ha procurà che las bursas da l'entir mund èn idas marcantamain a val.

Ina commerzianta a la bursa da Hongkong.
Legenda: Las perditas en l’Asia da l’ost, qua ina commerzianta a Hongkong, han infectà las bursas da l’entir mund. Keystone

L'index dal martgà svizzer il SMI ha nudà per part in minus da passa 7%. Quai è uschè bler sco dapi l'aboliziun dal curs minimal da l'euro il schaner betg pli. La finala ha il SMI serrà il glindesdi saira cun 3,75 en il minus.

La raschun per quest minus marcant èn las grondas perditas dals curs en la China. L'index da la bursa a Shanghai ha pers passa 8%.

En consequenza han era las bursas europeicas patì, uschia èn las bursas tudestgas e franzosas crudadas per radund 5%. Ed era las bursas americanas han sentì il trend negativ, il Dow Jones a New York ha avert cun in minus da var 6%.

RR Novitads 20:00