Siglir tar il cuntegn
cuntegn

Svizra In entir di mintg'ura ina chanzun da «Gotthard»

La band svizra è naschida a Lugano ils 14 da schaner 1992. En Svizra ha la band fitg grond success, er oz. Era Gotthard il 1995 anc pregruppa ad in concert da Bon Jovi a Turitg, èsi oz Gotthard che ha pregruppas avant lur concerts. Gotthard è daventà in term en l'istorgia da musica da rock svizra.

La band da rock ha gia vis quasi tut: turas internaziunalas, 2 milliuns da discs vendids, plirs premis d'aur e da platin, 12 albums publitgads ma er la trista mort dal chantadur Steve Lee.

Per il 25avel anniversari da Gotthard deditgescha RTR perquai in entir di a la band da rock. Durant mintg'ura pudais vus udir ina chanzun da Gotthard al radio. Tranter quellas er chanzuns da lur nov album Silver.

Noss moderatur Sergio Guetg ha pudì far in'intervista cun Leo Leoni e Marc Lynn il ghitarrist ed il bassist ch'èn dapi l'entschatta dal tut en la band. Là è el vegnì a savair intginas anecdotas dals ultims onns.

En nossa emissiun «Ina chanzun – in'istorgia» datti d'udir tge ch'ils dus commembers da la band Leo Leoni e Marc Lynn han da dir tar la chanzun «Mountain Mama». Ina cumbinaziun da rock cun musica populara.

RR actualitad 06:00

Success e Premis

  • Naziunal la band da rock cun il pli bia success
  • 2 milliuns albums vendids sin l'entir mund
  • 1 album cun tripel platin
  • 5 albums cun dubel platin
  • 6 albums cun platin
  • 2008 Swiss Music Award per il meglier album da Pop/Rock
  • 2010 La mort dal chantadur Steve Lee procura che 13 albums ed EPs èn il medem mument els charts.