Siglir tar il cuntegn

Header

cuntegn

Svizra In’emna, 40’000 suttascripziuns e 600’000 francs

La campagna da votaziun cunter l'iniziativa per il repatriament effectiv survegn schlantsch. Ils adversaris da l'iniziativa han rimnà aifer in'emna 669'660 francs per in'acziun da placats.

Ultra da quai han dapli che 41’252 Svizras e Svizzers suttascrit in manifest cunter l'iniziativa da la Partida populara svizra, rapporta l’agentura da novitads SDA.

Ils adversaris da l'iniziativa avevan appellà als Svizzers avant in'emna da far donaziuns e da sustegnair la campagna cunter l'iniziativa cun lur suttascripziun.

Er parlamentaris èn cunter l'iniziativa da la PPS

En vista a tut questas cifras, qua gist anc intginas: er la glista dals adversaris da l'iniziativa «per il repatriament effectiv» vegn pli e pli lunga. Uschia han 11 anteriurs cussegliers federals suttascrit in manifest cunter l'iniziativa da la PPS.

Cun l'iniziativa per il repatriament effectiv giaja quai per bler, ha ditg l'anteriur cusseglier federal Pascal Couchepin. Per Moritz Leuenberger vegnan principis impurtants da la democrazia directa bittads sutsura.

Fin ussa han gia passa 270 parlamentaris actuals ed anteriurs suttascrit il manifest cun il num «parlamentaris cunter l'iniziativa per il repatriament effectiv».

RR novitads 18:00

Artitgels legids il pli savens