In egl sin ils pretschs d’energia e d’aua

Il survegliader da pretschs Stefan Meierhans prenda quest onn en mira ils pretschs e las taxas da las infrastructuras da basa.

Il survegliader da pretschs Stefan Meierhans.

Legenda da maletgs: Il survegliader da pretschs Stefan Meierhans ha dà 85 recumandaziuns l’onn 2015. Keystone

Uschia vul il survegliader da pretschs sa deditgar al provediment d'energia e d'aua, a la branscha da dismessa, a la posta e la telecommunicaziun sco era al traffic public. Quai ha Meierhans communitgà cura ch’el ha preschentà il rapport annual a Berna.

Era en favur d'interpresas

Cunquai na veglia el betg mo proteger ils consuments da pretschs exagerads, mabain era gidar a segirar plazzas da lavur en Svizra. Quai cun cumbatter per interpresas svizras ch'èn dependentas da bunas e betg memia charas cundiziuns da rom.

Vinavant vul Meierhans era restar attent quai che pertutga las taxas ch’ils hotels ston pajar, per pudair sa participar a plattafurmas d’empustar chombras en hotels.

Passa 2'000 annunzias

L'onn passà è il survegliader da pretschs surtut s'occupà da 2’043 annunzias. Il pli savens han quellas tractà taxas e pretschs en il sectur da la sanadad, lura era en il sectur dal traffic, da la telecommunicaziun, da la posta e da la branscha da finanzas.

RR Novitads 12:00