Il ticker è a fin
-
18:19
Ensemen cun nossas reportras Fabia Caduff ed Angela Hendry ditg er jau «adia». Il di grischun a la Fête des Vignerons cuntinuescha dentant anc fin mesanotg cun blers concerts e buna cumpagnia.
Au revoir!
Legenda: Fabia Caduff ed Angela Hendry. RTR -
18:09
Il Telesguard spezial oz directamain davent da Vevey. Qua entir ed entratg!
videoEmissiun speziala a la Fête des VigneronsOr da sil punct dals 23.07.2019.laschar ir. Durada: 10 minutas 5 Secundas. -
18:03
Moderatur Rafael Müller e producent Gion Caviezel dian «au revoir» or dal bus d'emetter ch'è daventà oz in zic ina sauna. Els han suà las davosas uras en il bus per rapportar live da Vevey. Uss è l'emissiun a fin ed er els pon giudair in refrestg.
Legenda: Rafael Müller e Gion Caviezel. RTR, Fabia Caduff -
17:55
Il president da la regenza grischuna Jon Domenic Parolini tira ina bilantscha positiva dal di grischun a la Fête des Vignerons. El è fitg cuntent che la regenza ha decidì da sa participar a la festa a Vevey. Dapli ha el raquintà ad Angela Hendry.
audioJon Domenic Parolini è cuntent cun il di grischunord Actualitad dals 23.07.2019.laschar ir. Durada: 4 minutas 15 Secundas. -
17:31
Tar la Fête des Vignerons tutga er la gronda show en l'arena che porscha plaz per 20'000 persunas. In spectacul cun musica, chant e saut ch'ha er persvas ils visitaders rumantschs.
audioLa show ha plaschì a Rumantschas e Rumantschsord Actualitad dals 23.07.2019.laschar ir. Durada: 57 Secundas. -
17:18
Betg mo artistas ed artists rumantschs èn oz da chattar a Vevey mabain sa chapescha er inqual giast. Ma èn aspectaturas ed aspectaturs insumma vegnids sin lur custs? Nus avain dumandà!
audioReacziuns dals rumantschs a Veveyord Actualitad dals 23.07.2019.laschar ir. Durada: 42 Secundas. -
17:07
L'istorgia e las dimensiuns da la Fête des Vignerons, las spetgas dals viticulturs dal Grischun ed il cusseglier guvernativ Marcus Caduff davart las relaziuns tranter il Grischun e la Svizra romanda.
Tut quai datti da vesair a las 17:40 en il Telesguard sin SRF1.
Legenda: La moderatura Corina Schmed en discurs cun Marcus Caduff. Il producent Claudio De Pedrini procura per buna glisch. RTR, Donatella Bonifazi -
16:57
Malgrà las chalurs carmalan ils concerts blers auditurs ed aspectaturs. Per fortuna hai er in zic sumbriva, ma las chapellas paran d'esser in «must have» a Vevey.
Legenda: Incantanti èn sin tribuna. RTR, Fabia Caduff -
16:43
Ils berniers èn arrivads cun lur spezialitads grischunas a la Fête des Vignerons. Uss èn ils chavals ed ils mils ils stars. Ed in dals mils ha schizunt engulà la show da la presidenta dal Cussegl grond Tina Gartmann-Albin ch'ha fatg in pled. Ma tadlai sezs!
audioAngela Hendry davart mils e chavalsord Actualitad dals 23.07.2019.laschar ir. Durada: 1 minuta 56 Secundas. -
16:26
Ils berniers fan lur davos'etappa cun agid da la «gendarmerie». Ella accumpogna ils berniers e lur chavals e mils per ch'els arrivan er sauns e frestgs a la Fête des Vignerons.
Legenda: Ils berniers e lur davosa etappa. RTR, Pietro Jacomet -
16:14
Live davent da Vevey: Uss er puspè via radio. Noss moderatur Rafael Müller ha entant stuì avrir inqual nuf da la chamischa, en il busin d'emetter èsi numnadamain chalurs.
Legenda: Rafael Müller ha chaud. RTR, Gion Caviezel -
16:04
Betg mo la Rumantschia è represchentada a Vevey mabain er il Grischun talian. Quai tranter auter cun il chantautur Marco Todisco. Er el dat plirs concerts a la Fête des Vignerons.
Legenda: Marco Todisco sin tribuna. RTR, Fabia Caduff -
15:38
A Vevey dominescha oz il Grischun. Vin grischun, musica grischuna e politichers grischuns. Vitiers tutgan dentant er las spezialitads culinaricas: Chaschiel, charn setga, turta da nuschs e schizunt glatsch cun latg chaura pon ins chattar oz a la riva dal Lac Léman. Dapli ha Jasmine Said Bucher la manadra da fatschenta dad Alpinavera tradì a nossa redactura Angela Hendry.
audioJasmine Said Bucher en discurs cun Angela Hendryord Actualitad dals 23.07.2019.laschar ir. Durada: 3 minutas 35 Secundas. -
15:23
Actualmain pudess ins pensar ch'il Lac Léman è pli dumandà ch'il vin a la Fête des Vignerons. En scadin cas èsi pratic ch'il refrestg giascha uschè datiers.
Legenda: La riva dal Lac Léman è plaina e pli che plaina. RTR, Fabia Caduff -
14:55
In ulteriur highlight musical a Vevey: La Triada cun Astrid Alexandre, Ursina Giger e Corin Curschellas. Ellas delecteschan il public cun chanzuns rumantschas al Quai Perdonnet.
Legenda: La Triada: Astrid Alexandre, Ursina Giger e Corin Curschellas. RTR, Angela Hendry -
14:28
Luca Davaz da Fläsch è in dals viticulturs grischuns che po preschentar ses vins a Vevey. E sco viticultur po el sa chapescha er cumparegliar il vin grischun cun il vin da la regiun da Vevey. Tge ch'el manegia dals differents vins pudais tadlar qua sut.
audioLuca Davaz en discurs cun Angela Hendryord Actualitad dals 23.07.2019.laschar ir. Durada: 2 minutas 34 Secundas. -
14:02
Voilà! Inqual impressiun da la Fête des Vignerons en furma da video.
videoIl Grischun a la Fête des VigneronsOr da Giuventetgna dals 23.07.2019.laschar ir. Durada: 59 Secundas. -
13:59
La giuvna chantadura Chiara ha gia dà ses emprims concerts ed ha er gia gudagnà vitiers novs fans. Qua , il link avra en ina nova fanestraavrir en il browserchattais Vus il program cun tut ils concerts da Hedgehog, Gruppa da Tibas, incantanti ed anc blers auters.
audioChiara ha er fans a Veveyord Actualitad dals 23.07.2019.laschar ir. Durada: 1 minuta 26 Secundas. -
13:29
Er il team dal Telesguard è en acziun a Vevey. Els èn vid preparar l'emissiun speziala da la Fête des Vignerons che vegn emessa a las 17:40 sin SRF1.
Legenda: Il team dal Telesguard. RTR -
13:05
Betg mo il vin è tschertgà oz a la Fête des Vignerons, mabain er la sumbriva: Actualmain èsi radund 27 grads a Vevey.
Legenda: Sumbriva avant l'arena. RTR, Corina Schmed
