Impressaris quintan cun sustegn dals lavurers

En la dispita per in nov contract collectiv da lavur en la branscha da construcziun, quintan ils impressaris cun il sustegn dals lavurers. L'uniun d'impressaris svizra ha perquai lantschà ina campagna naziunala.

L’uniun svizra d’impressaris quintan cun ils sustegn dals lavurants.

Legenda da maletgs: Ils sindicats vulan meglras cundiziuns per ils lavurers, ils impressaris vulan restar tar il contract actual. Keystone

Cun questa acziun vul l’uniun svizra d'impressaris mussar ch’il contract existent è il meglier contract collectiv existent, scriva l’associaziun dals impressaris constructurs.

En la dispita vai per in nov contract collectiv: ils sindicats vulan meglras cundiziuns per ils lavurers, ils impressaris vulan restar tar il contract da lavur collectiv da fin qua.

Sindicats smanatschan cun chaumas

Ils sindicats Unia e Syna smanatschan gia cun chaumas, perquai che l'uniun d'impressaris svizra violeschia il contract. Ils impressaris renvieschian da contractar ed attatgian la renta cun 60, uschia ils sindicats.

En il contract collectiv da lavur naziunal vertent saja l'uniun d'impressaris s'obligada da contractar davart la paja fin la fin settember. Sch'ella renvieschia ussa quai, violeschia ella il contract. Ils sindicats na stoppian uschia er betg pli sa tegnair vi da l'obligaziun da pasch.

RR novitads 12:00