Siglir tar il cuntegn
Inhalt

Svizra Implenia va en Svezia

Il concern da construcziun Svizzer ha survegnì in grond contract cun l'autoritad da traffic en Svezia. I giaja per la renovaziun d'in project d'infrastructura da viafier.

Purtret dal logo d'Implenia e dus lavurers che passan sperasvi.
Legenda: L'implenia ha survegnì in grond contract en Svezia. Las lavurs duain cuzzar radund quatter onns. Keystone

Il project d'infrastructura da viafier vegnia mess enturn en la citad da Stockholm. L'incumbensa haja quintà enturn ina valita da radund 100 milliuns francs, sco l'Implenia communitgescha.

Implenia vegnia a renovar tschintg punts da viafiers e duas per peduns. Plinavant duain dus tunnels vegnir renovads sin il pli nov stan. Las lavurs cumenzian questa stad e duain cuzzar radund quatter onns.

Las lavurs vegnan fatgas sin in traject da radund 2km che tutga tar ils trajects che vegnan duvrads il pli savens en Svezia.

RR novitads 11:00