Siglir tar il cuntegn
Inhalt

Svizra Implenia dastga bajegiar il tunnel da Bözberg

Il concern da construcziun Implenia bajegia il nov tunnel da viafier Bözberg. Las Viafiers federalas svizras haja surdà ad Implenia la lavur da 145 milliuns francs, uschia communitgescha l'interpresa.

Lavurers da l'interpresa Implenia.
Legenda: Implenia cun sia sedia a Dietlikon en il chantun Turitg è la pli gronda interpresa da construcziun en Svizra. Keystone

Igl è planisà d'entschaiver cun las lavurs la primavaira dal 2016 e suenter 4 onns vulan ins prender en funcziun il tunnel. Il tunnel da Bözberg è gia la segunda lavur pli gronda che la SBB surdat quest onn ad Implenia. A Genevra ha Implenia survegnì l'incumbensa da construir la staziun da viafier Lancy-Pont-Rounge.

RR novitads 09.00