Glischadad e naiv chaschunan problems sin las vias sco er sin las rodaglias da la Svizra. En la regiun da Berna è l'autostrada A1 en direcziun Turitg serrada dapi las sis la damaun tranter Kriegstetten e Luterbach pervi d'in grev accident cun plirs vehichels.
Tenor la polizia chantunala da Berna hai dà dapi ier saira radund 45 accidents, en spezial en la regiun dal Lai da Bienna, en il Giura Bernais u l'Emmental. La fradaglia ha er chaschunà impediments en il traffic da viafier, per exempel a Romanshorn, Rothrist u Lenzburg.
