Siglir tar il cuntegn

Svizra Imni svizzer: nov text, veglia melodia

La chanzun victura per in nov imni naziunal pussaivel mantegna la melodia dal psalm svizzer, è dentant in toc pli curta. Il nov text «Weisses Kreuz auf rotem Grund» cumpiglia be ina strofa cun 9 vers.

Legende: Audio Tadlar la chanzun victura: «Sin funs cotschen ina crusch» abspielen. Laufzeit 01:06 Minuten.
01:06 min, Actualitad dals 12.09.2015.

Il text rumantsch entschaiva cun ils pleds «Sin funs cotschen ina crusch». Medemamain datti la proposta per in nov imni naziunal er en franzos e talian.

La chanzun victura è vegnida elegida da la publicitad via internet, sms e telefon. Il final da la tscherna è stà sonda passada en rom da l'emissiun «Potzmusig» da la Televisiun svizra. La chanzun victura deriva or da la plima dad in econom e musicist da Zollikerberg en il chantun Turitg.

Per dapli acceptanza

Lantschà la concurrenza per in nov imni naziunal ha la Societad svizra d'utilitad publica (SGG SSUP). Il nov text duai procurar per dapli acceptanza tar la populaziun e correspunder meglier a las valurs formuladas en la constituziun svizra dal 1999.